रा.काँग्रेस शरदचंद्र पवार गटाच्या सोलापूर जिल्हा युवक उपाध्यक्ष पदी सज्जन लोखंडे यांची निवड
अकलूज (युवापर्व) : रा.काँग्रेस शरदचंद्र पवार गटाच्या सोलापूर ग्रामीण जिल्हा युवक उपाध्यक्ष पदी सज्जन लोखंडे यांची निवड करण्यात आली आहे. यावेळी ही निवड सोलापूर जिल्हाध्यक्ष बळीराम काका साठे यांनी टेंभुर्णी येथे राष्ट्रवादी काँग्रेस पक्ष शरदचंद्र पवार गटाकडून आयोजित आढावा बैठकीत करण्यात आली.
नुतन युवकचे जिल्हा उपाध्यक्ष श्री.लोखंडे हे पूर्वी सामाजिक न्याय विभागाचे जिल्हा उपाध्यक्ष पदावर कार्यरत होते. राष्ट्रवादी काँग्रेस पक्षाचे राष्ट्रीय अध्यक्ष शरदचंद्र पवारसाहेब, प्रदेशाध्यक्ष जयंतराव पाटील व खासदार सुप्रियाताई सुळे यांचे विचार सर्वसामान्यांपर्यंत पोहचवू . तसेच पक्षाने दिलेली जबाबदारी प्रामाणिकपणे पार पाडू . सोलापूर जिल्ह्यातील ग्रामीण भागात विविध सामाजिक व राजकीय उपक्रमाच्या माध्यमातून युवकांची संघटन बांधनी करून पक्ष बळकट करण्याचे प्रयत्न करणार असल्याचे लोखंडे यांनी मत व्यक्त केले.
यावेळी प्रवक्ता तथा कार्यालयीन सरचिटणीस महेश माने, गायकवाड,संजय कोकाटे,संजय घाटणे-पाटील, मदन माने-देशमुख, बाळासाहेब धाईंजे, माढा तालुकाध्यक्ष देशमुख,माळशिरस विधानसभा कार्याध्यक्ष मोहसिन शेख, कमाल शेख, अमोल माने, गुलजार शेख आदी उपस्थित होते.
