माळशिरस विधानसभा रा.काँग्रेस पक्ष शरदचंद्र पवार गटाच्या कार्याध्यक्ष पदी मोहसिन शेख यांची निवड
अकलूज (प्रतिनिधी ) : नुकत्याच काही दिवसापूर्वी एमआयएम पक्ष सोडून गोविंदबाग,बारामती येथे शरदचंद्र पवारसाहेबांच्या उपस्थितीत शेकडो कार्यकर्त्यांसह राष्ट्रवादी काँग्रेस पक्ष शरदचंद्र पवार गटात सामिल झालेले अकलूजचे मोहसिन शेख यांची माळशिरस विधानसभा कार्याध्यक्ष पदी निवड करण्यात आली आहे. यावेळी ही निवड सोलापूर जिल्हाध्यक्ष बळीराम काका साठे यांनी टेंभुर्णी येथे राष्ट्रवादी काँग्रेस पक्ष शरदचंद्र पवार गटाकडून आयोजित आढावा बैठकीत करण्यात आली.
राष्ट्रवादी काँग्रेस पक्षाचे राष्ट्रीय अध्यक्ष शरदचंद्र पवारसाहेब, प्रदेशाध्यक्ष जयंतराव पाटील व खासदार सुप्रियाताई सुळे यांचे विचार सर्वसामान्यांपर्यंत पोहचवू . तसेच पक्षाने दिलेली जबाबदारी प्रामाणिकपणे पार पाडू . माळशिरस विधानसभा व तालुक्यासह विविध सामाजिक व राजकीय उपक्रमातून संघटन बांधनीवर कार्य करून पक्ष बळकट करू अशी ग्वाही शेख यांनी दिली.
यावेळी प्रवक्ता तथा कार्यालयीन सरचिटणीस महेश माने,संजय कोकाटे,संजय घाटणे-पाटील,मदन माने-देशमुख, माळशिरस विधानसभा अध्यक्ष बाळासाहेब धाईंजे, माढा तालुकाध्यक्ष देशमुख, युवक जिल्हा उपाध्यक्ष सज्जन लोखंडे, कमाल शेख, अमोल माने, गुलजार शेख आदी उपस्थित होते.
