अकलूज(युवापर्व) : सालाबादप्रमाणे बज्में अनवारे सुफिया मदरसा अकलुज ट्रस्ट यांच्या वतीने १५ ऑगस्ट निमित्त ध्वजारोहण करून वंदन व कवायत करण्यात आले. यावेळी मदरसा ट्रस्टचे उपाध्यक्ष मा.हाजी दादाभाई मोहळकर यांचा शुभ हस्ते ध्वजारोहण करण्यात आले.
मदरशातील अनेक विद्यार्थांनी मातृभाषा मराठीसह हिंदी, इंग्रजीत भाषणे करून उपस्थित मान्यवरांची मने जिंकली. धार्मिक अध्यात्मिक शिक्षणाबरोबर शालेय शिक्षणातही मदरशाचे विद्यार्थी नावलौकिकता प्राप्त करत आहेत. बज्मे अनवारे सुफिया मदरसा अकलूजचे इयत्ता ९ वी व १० वी तील ऊत्तीर्ण विद्यार्थ्यांना यावेळी गौरविण्यात आले.
या कार्यक्रमास बज्में कमेटी सचिव युसूफ शेख , सदस्य जाफर काझी , बाळू सय्यद ,अकलुज ग्रामपंचायतीचे माजी सदस्य अन्वरभाई बागवान,रा.काँग्रेस शप पक्षाचे विधानसभा कार्याध्यक्ष मोहसिन शेख, इब्राहिम शेख, लतीफ पटेल, खलील तंबोली, इम्रान बागवान, जुबेर दुरूगकर , समीर काझी , अकलुज उपजिल्हा रुग्णालय मधील वैद्यकीय अधिकारी , महिला कर्मचारी व बज्मे अनवारे सुफिया मदरसा मधील मौलाना व सहशिक्षक वर्ग उपस्थित होते. तसेच मदरशाच्या सर्व विद्यार्थांना मान्यवरांच्या हस्ते जीलेबी खाऊ वाटप करण्यात आले. सदरच्या कार्यक्रमाचे सूत्रसंचालन व आभार मदरशाचे शिक्षक मौलाना नियाजअली काझी यांनी मानले.
