खा.शरदचंद्र पवार यांची माळशिरस तालुक्यातील मुस्लिम समाज बांधवांनी घेतली सदिच्छ भेट

बारामती (युवापर्व) : देशाचे नेते राष्ट्रवादी काँग्रेस शप पक्षाचे सर्वेसर्वा खा.शरदचंद्र पवार साहेब यांची आज गोविंद बाग, बारामती येथे भेट घेऊन माळशिरस तालुक्यातील विविध प्रश्नांवर व कामाविषयी मुस्लिम समाज बांधवांनी चर्चा केली. तसेच माळशिरस तालुक्यातील मुस्लिम समाज व इतर संघटनेच्या अडचणी विषय सविस्तर चर्चा केली. मुस्लिम समाजातील सर्व प्रश्न नक्कीच मार्गी लावू ; अशी ग्वाही खा.शरद पवार यांनी दिली.

पवार साहेबांनी मुस्लिम समन्वय समितीचे सोलापूर जिल्हाध्यक्ष सलीम मुलाणी यांना सामाजीक व राजकीय कार्यासाठी शुभेच्छा दिल्या. तसेच मुस्लिम समाजाच्या वतीने आदरणीय शरदचंद्र पवारसाहेब यांचा तालुक्यातील मुस्लिम समाजकडून सन्मान करण्यात आला. यावेळी युवा नेते सलीम भाई मुलाणी, राजूभाई कबीर, शाईन शेख , शाहरुख मुलाणी, आरिफ मुलाणी आदी उपस्थित होते.