माळीनगर ग्रामपंचायतीकडून यशवंत आंबेडकर बुध्द विहार सभा मंडपाचा निधी इतरत्र वळवण्याचा घाट ?
माळीनगर(युवापर्व) : यशवंत बुद्ध विहार संस्थेचे सचिव अजित दादा नाईकनवरे यांनी आज माळीनगर ग्रामपंचायत मध्ये जाऊन यशवंत आंबेडकर बुद्ध विहाराच्या सभा मंडपाच्या कामासंदर्भात निवेदन देण्यात आले. सन 2021- 22 या कालावधीमध्ये 25 लाख निधी माजी सामाजिक न्याय मंत्री धनंजय मुंडे यांच्या फंडातून मंजूर झाला होता. परंतु अद्यापपर्यंत त्याचे काम सुरू करण्यात आले नाही.
सदरील कामाचे ई टेंडर झाले असून काम करण्यास जातीवादी ग्रामपंचायत माळीनगरकडून जाणून बुजून तो फंड इतरत्र वळवण्याचा घाट घातला जात आहे . त्यामुळे या जातीवादी ग्रामपंचायतच्या विरोधामध्ये येणाऱ्या काही दिवसात हलगीनाद आंदोलन व उपोषण आधी मार्गाने तीव्र आंदोलन करण्यात येणार आहेत . वेळेत लक्ष देऊन काम सुरू करण्याचे पत्र संबंधित कार्यालयास न दिल्यास यशवंत बुद्ध विहार संस्थेचे पदाधिकारी व वंचित बहुजन आघाडी आरपीआय तालुका कार्यकारिणीच्या वतीने माळीनगर या जातीवादी ग्रामपंचायत विरोधात तीव्र आंदोलन करण्यात येणार आहेत .तसेच होणाऱ्या परिणामास सर्वस्वी सरपंच, ग्राम विकास अधिकारी व सदरची बॉडी जबाबदार राहील .
