माळशिरस (युवापर्व) : महाराष्ट्र राज्य मुस्लिम समन्वय समितीच्या माळशिरस शहर उपाध्यक्ष पदी सलिमभाई आतार यांची निवड करण्यात आली. सदरची निवड प्रदेशाध्यक्ष रशिदभाई शेख यांच्या मार्गदर्शनाखाली माळशिरस तालुकाध्यक्ष सलिमभाई मुलाणी, शहराध्यक्ष समीरभाई मुलाणी यांनी केली. माळशिरस शहरामध्ये मुस्लिम समन्वय समितीची गावनिहाय वाढती संघटनात्मक बांधणीतून सामाजिक हितार्थ मोठ्या प्रमाणात कार्यकर्ते जुडत आहे.
विविधतेतून एकता साधून विविध सामाजिक प्रश्न शेवटच्या घटकांपर्यंत पोहचून सोडवणे हाच महत्त्वाकांक्षी उद्देश असल्याचे नवनिर्वाचित उपाध्यक्ष सलिम आतार यांनी मत व्यक्त केले. या निवडीनंतर शहर उपाध्यक्ष आत्तार यांचा समितीकडून सत्कार करताना नगरसेवक कैलास वामन, अस्लम मुजावर, आमिर पठाण, मुस्लिम जमात चे अध्यक्ष अजिमभाई मुलाणी, माळशिरस शहर अध्यक्ष समीरभाई मुलाणी, नशिरभाई मुलाणी,बाबा शेख सोहेल पठाण, मुबारक तांबोळी, भैय्या इनामदार,राजु आत्तार ,अश्रफ मुल्ला आदी उपस्थित होते.
