मुस्लिम बांधवांसाठी रंजनभाऊ गिरमे यांच्याकडून आयोजित रोजा इफ्तार पार्टी संपन्न
माळीनगर(युवापर्व) : दि सासवड माळी शुगर फॅक्टरीचे चेअरमन श्री. राजेंद्र (रंजनभाऊ) गिरमे यांच्याकडून माळीनगर परिसरातील मुस्लिम समाज बांधवांसाठी रोजा इफ्तार पार्टीचे आयोजन दि.१२ एप्रिल रोजी सायं.६.४८ वा. करण्यात आले होते. हिंदु-मुस्लिम एकतेचे प्रतिक असलेला रमजानच्या या पवित्र महिन्यात अनेक बांधव निर्जळी उपवास धरत असतात.
सामाजिक बांधिलकी व भाईचारा जपत रंजनभाऊ कडून प्रत्येक वर्षी रोजा इफ्तारचे कार्यक्रमाचे आयोजन करण्यात येत असते. या कार्यक्रमास शिरीष फडे,माजी उपसरपंच महादेव बंडगर,राष्ट्रवादीचे अकलूज शहराध्यक्ष सुरेश गंभीरे,व्यापारी संघटनेचे अध्यक्ष रिंकू राऊत,संजय दळवी,मिलींद गिरमे,गोपाल लावंड, मुस्लिम जमात अध्यक्ष शमशुद्दीन शेख,उपाध्यक्ष जब्बार तांबोळी,सचिव सलिम शेख यांच्यासह माळीनगर-सवतगावचे मुस्लिम समाज बांधव मोठ्या संख्येने उपस्थित होते.
