डाॅ.उषा भोईटे यांचा ” सुपर ३० ” या राज्यस्तरीय गुणवंत शिक्षक पुरस्काराने सन्मान

इंदापूर : शब्दधन फाऊंडेशन, बारामती यांच्या वतीने देण्यात येणारा सुपर ३० राज्यस्तरीय गुणवंत पुरस्कार डॉ. उषा जयसिंग भोईटे यांना शिक्षक दिनाचे औचित्य साधून देण्यात आला. हा पुरस्कार सोहळा बारामती येथे पार पडला.त्यांचे शैक्षणिक व सामाजिक उल्लेखनीय कार्याचा गौरव म्हणून हा पुरस्कार त्यांना मिळाला.

डॉ. उषा भोईटे सध्या जिल्हा परिषद प्राथमिक शाळा लुमेवाडी, ता. इंदापूर येथे कार्यरत आहेत. यावेळी शब्द धन फाऊंडेशन बारामती यांचा सूपर 30 राज्यस्तरीय गुणवंत शिक्षक पुरस्कार हा एकट्याचा नसतो तर तो संपूर्ण कुटुंबाचा आणि मित्र, स्नेही या सर्वांचा असतो. शब्दधन फाऊंडेशनने सन्मान केला हेच मोलाचे असून शिक्षक दिनी यापेक्षा वेगळा आनंद काय असू शकतो अशा शब्दांत डाॅ.भोईटे यांनी धन्यवाद व्यक्त केले.