अकलूज(युवापर्व) : बहुजन प्रतिपालक छत्रपती शिवाजी महाराज यांच्या ३९४ व्या जयंतीनिमित्त शहरातील महादेवनगर परिसरात हिंदु-मुस्लिम ऐक्याचे प्रत्यक्ष दर्शन पाहण्यास मिळाले . सालाबादप्रमाणे सम्राट प्रतिष्ठानकडून शिवजयंती ही विविध सामाजिक उपक्रम राबवत मोठ्या जल्लोषात साजरी करण्यात येत असते. या कार्यक्रमातील उपस्थित मान्यवरांच्या हस्ते महाराजांच्या प्रतिमेस पुष्पार्पण करण्यात आले.
यावेळी या कार्यक्रमास पत्रकार बाळासाहेब गायकवाड, सचिन शिंदे ,पत्रकार व सामाजिक कार्यकर्ते मोहसिन शेख ,इन्नूसबाबा सय्यद, सम्राट प्रतिष्ठानचे अध्यक्ष शशिकांत भोसले यांच्यासह अनेक मान्यवर उपस्थित होते.
तसेच उपस्थित मान्यवरांच्या हस्ते जमलेल्या लहान बालकांना जिलेबी वाटप करण्यात आली. या परिसरातील लहान मुलांसह असंख्य माता-भगिनीं मोठ्या प्रमाणात उपस्थित होत्या. हा कार्यक्रम यशस्वी करण्यास सम्राट प्रतिष्ठानच्या सर्व कार्यकर्त्यांनी अथक परिश्रम घेतले.
