लक्ष्मीबाई कन्या प्रशालेत स्पर्शज्ञान कार्यशाळेचे आयोजन

अकलूज : लक्ष्मीबाई कन्या प्रशालेत शनिवार दि. १७ सप्टेंबर २०२२ रोजी इ. ७ वी ते ८ वी च्या मुलींसाठी स्पर्शज्ञान कार्यशाळा घेण्यात आली. यावेळी प्रशालेच्या मुख्याध्यापिका सौ. वाघ मॅडम व मुलींना मार्गदर्शन करण्यासाठी आमंत्रित केलेल्या कै. रत्नप्रभादेवी शंकरराव मोहिते पाटील महिला गृहविज्ञान महाविद्यालायच्या प्राध्यापिका डॉ. सौ. भिसे मॅडम उपस्थित होते.

तसेच यशवंतनगर केंद्राचे केंद्रप्रमुख श्री नष्टे सर व यशवंतनगर केंद्राचे व विझोरीचे मुख्याध्यापक श्री खडतरे सर व इंगळे सर या मान्यवरांनी शिक्षण प्रसारक मंडळ अकलूज चे संस्थापक अध्यक्ष कै. शंकरराव नारायणराव मोहिते पाटील व कै. रत्नप्रभादेवी शंकरराव मोहिते पाटील यांच्या प्रतिमेचे पूजन केले. कु. कस्तुरे मॅडम यांनी कार्यक्रमाचे सूत्रसंचालन केले. डॉ. सौ. भिसे मॅडम यांनी मुलींमध्ये वयानुसार होणारे शारीरिक बदल, good touch व bad touch कसे ओळखायचे तसेच आपले संरक्षण कसे करायचे याविषयी मार्गदर्शन केले. या कार्यक्रमाच्या व्याख्यात्या डॉ. सौ. भिसे मॅडम व आलेल्या इतर मान्यवरांचे आभार कु. साखरे मॅडम यांनी मानले.