श्रीमती रूक्साना शेख ह्या ” उपक्रम शिक्षिका ” या राज्यस्तरीय पुरस्काराने सन्मानित

पुणे (युवापर्व) : “नवी दिशा नवे उपक्रम” या राज्यस्तरीय समूहातर्फे आयोजित राज्यस्तरीय गुणवंत शिक्षक सोहळा २०२४ आज दि.९ मार्च २०२४ रोजी राजीव गांधी ई- लर्निंग स्कूल सहकारनगर, पुणे येथे पार पडला. या सोहळ्यामध्ये एकशे तीन उपक्रमशील शिक्षकांना गौरविण्यात आले.तसेच त्यांनी सादर केलेल्या विविध नवोपक्रमांच्या ” शतक नाविन्यपूर्ण उपक्रमांचे” या पुस्तकाचे प्रकाशन देखील यावेळी करण्यात आले. यावेळी इंदापूर तालुक्यातील जि.प. प्राथमिक शाळा इंदापूर नं.१ च्या उपक्रमशील शिक्षिका श्रीमती रुक्साना युसुफ शेख यांना या पुरस्काराने सन्मानित करण्यात आले. मॅडमचा अतिशय स्तुत्य असा “स्टॅम्प उपक्रम” या पुस्तकात समाविष्ट आहे.

या कार्यक्रमास श्रीमती शुभांगी चव्हाण- उपशासकीय अधिकारी शिक्षण विभाग प्राथमिक, पुणे मनपा या अध्यक्षस्थानी होत्या. तर माजी उपमहापौर महानगरपालिका पुणे श्री.आबा बागूल हे प्रमुख पाहुणे होते. तसेच SCERT चे अध्यक्ष राहुल रेखावार साहेब, सहसंचालक मा. डॉ .शोभा खंदारे मॅडम आणि श्री. माणिक देवकर साहेब- क्रीडा विभाग प्रमुख शिक्षण विभाग पुणे मनपा हे उपस्थित होते. ‌संपादक श्री.देवराव चव्हाण सर, श्री.बळीराम जाधव सर आणि श्री‌.आयुब शेख सर यांनी या कार्यक्रमाचे आयोजन व उत्कृष्ट असे नियोजन केले होते. अतिशय शिस्तबद्ध नियोजनात दिमाखदार पद्धतीने हा सोहळा पार पडला.